ಕವಿತೆ

ಅಲ್ಲೆಲ್ಲೊ ಸತ್ತ
ಹೆಣದ ಸುತ್ತ
ಧರ್ಮದ ಕಮಾಟು
ವಾಸನೆ ಬರುತ್ತಿದೆ

ಇಲ್ಲೆಲ್ಲೊ ಕತ್ತಿಯಲ್ಲಿ
ಕಡಿದಡಿಕೊಂಡವರ
ರಕ್ತದಲ್ಲಿ ನಾಯಕರು
ಧರ್ಮದ ಬಣ್ಣ
ಹುಡುಕುತ್ತಿದ್ದಾರೆ

ಮಠದ ಬಾಗಿಲಲ್ಲಿ
ಕುಳಿತ ನಾಯಿಗೆ
ಧರ್ಮದ ಪ್ರವಚನ
ಅರ್ಥವಾಗಿ
ತನ್ನ ಧರ್ಮ
ಹುಡುಕಲು ಹೋರಟು
ಹೋಗಿದಯಂತೆ

ಮಾರಕಟ್ಟೆಗೆ ಬಂದಿರುವ
ಧರ್ಮದ ಬಣ್ಣಗಳ
ಮುಖವಾಡ ಕೊಳ್ಳಲು
ಪುಢರಿಗಳು
ದೌಡಯಿಸಿದ್ದರಂತೆ

ಅಲ್ಯಾರದೊ ನಾಯಕನ
ಹೆಸರಿಗೆ ಇಲ್ಲೊಬ್ಬ
ಬಡಪಾಯಿಯ
ಉಸಿರು ಹೋಗುತ್ತದೆ
ಇಲ್ಯಾರೊ ಅವಿವೆಕಿಯ
ಹಸಿವಿಗೆ ಇಲ್ಲೊಂದಷ್ಟು
ಮುಗ್ಧ ಜೀವಗಳು
ನೋವನುಭವಿಸುತ್ತವೆ

ಸಾಕುಮಾಡು ನಿಮ್ಮ
ಧರ್ಮಗಳ ಬಾಯಿಯನ್ನ
ಜಗತ್ತಿನ ಯಾವ. ಧರ್ಮವೂ
ಕೊಲ್ಲಲು ಹೇಳುವುದಿಲ್ಲ
ರಕ್ತ ನೋಡಲು ಬಯಸುವುದಿಲ್ಲ

ಕೃಷ್ಣ ಹೇಳಿದ ಭಕ್ತಿ
ಏಸು ಹೇಳಿದ  ಪ್ರೀತಿ
ಫೈಗಂಬರರೆಳಿದ ತ್ಯಾಗ
ಉಜ್ವಲಿಸಲಿ ಪ್ರತಿ
ಮನದೊಳಗೆ ಪ್ರಜ್ವಲಿಸಲಿ
ಧರ್ಮದೊಳಗಿರವ ಅಂಧರಿಗೆ
ದಾರಿ ದೀಪವಾಗಲಿ

#ಉತ್ತಮ್

ಕವಿತೆ

ಸೂರ್ಯ ಪಥ
ಬದಲಾಯಿಸಿದನಂತೆ
ಲೋಕದ ಕತ್ತಲೆಯಲ್ಲಿ
ಬದುಕು ಮಗ್ಗಲು
ಬದಲಾಯಿಸಿದ್ದು
ಅರಿವಾಗದಂತೆ
ನಿದ್ದೆ ಹೋಗಿರುವ
ಅಮಾಯಕರು ನಾವು

ಅದ್ಯಾವುದೋ
ಎಡಬಲಗಳ
ನಡುವಲ್ಲಿ
ಉಳಿದವನು
ಮತಿಭ್ರಮಣನಾಗಬಹುದು

ಆಸ್ತಿಕತೆ  ನಾಸ್ತಿಕತೆಯ
ದ್ವಂದ್ವದೊಳಗೆ
ದೇವರೇ ನಂಬಿಕೆ
ಕಳೆದುಕೊಳ್ಳಬಹುದು

ಶರವೇಗದ ಬದುಕಿದು
ಸರತಿ ಸಾಲಿನಲ್ಲಿ
ನಿಧಾನವಾಗಿ ಚಲಿಸಿ
ನೆಮ್ಮದಿ ಪಡೆದುಕೊಳ್ಳಬೇಕು

#ಉತ್ತಮ್#

ಕವಿತೆ

ಆತ ಕವಿಯಾಗಿದ್ದೆ
ಅವಳಿಂದ ಅವಳ
ಪರಿಚಯಕ್ಕೊಂದು
ಕವನದಿಂದ ಸುರುವಾಗಿ
ಅವಳಂದಕ್ಕೆ ಇಷ್ಟಕ್ಕೆ ಕಷ್ಟಕ್ಕೆ
ಪ್ರೀತಿಗೆ ನಗುವ ರಿತಿಗೆ
ಒಮ್ಮೊಮ್ಮೆ ಅವಳ ನೋವಿಗೆ
ಅವಳ ಖುಷಿಗೆ ಮಹಾ
ಕಾವ್ಯಗಳನ್ನೆ ಸೃಷ್ಠಿಸಿಬಿಟ್ಟ
ಅವಳು ದೂರಾದ ಮೇಲೆ
ಬರಿ ವಿರಹದಲ್ಲೆ ಕಾರಿಕೊಂಡ
ಹೃದಯ ಭಗ್ನವಾಗಿ
ಕನಸು ಛಿದ್ರವಾಗಿ
ಅವನೆಲ್ಲಿ ಹೋದನೊ ಸಿಗುತ್ತಿಲ್ಲ

#ಉತ್ತಮ್#

ಕವಿತೆ

ಖಾಲಿಯಾದ ಮಧು
ಬಟ್ಟಲು ಹಂಗಿಸುತಿತ್ತು
ನನ್ನೊಳಗಿರುವ ಮಧುವು
ಖಾಲಿಯಾಗುತ್ತದೆ
ನಿನ್ನೆದೆಯೊಳಗಿರುವ
ಅವಳ ನೆನಪು
ಖಾಲಿಯಾಗುವುದಿಲ್ಲವೆಂದು

#ಉತ್ತಮ್#

ಕವಿತೆ

ನೀನಿರದೆ ಈ
ರಾತ್ರಿಗಳು ನಿರ್ಜೀವವಾಗಿವೆ
ಎದೆಯ ಬೀದಿಯಲ್ಲಿ
ಹುಟ್ಟುವ ಮೌನ
ಗದ್ದಲಗಳ ಸದ್ದಡಗಿದೆ
ಚಂದ್ರನೇಕೊ ಮಂಕಾಗಿ
ಮೋಡದ ಮರೆಗೆ
ಸರಿದಿದ್ದಾನೆ
ಈ ಚಳಿಯ ಕೊರೆತ
ಇನ್ನಷ್ಟು ಮೊನಚಾಗಿ
ಎದೆಯ ಚುಚ್ಚುತ್ತಿದೆ
ಈ ದೀರ್ಘ ರಾತ್ರಿ
ಮುಗಿಯುವ ಮುನ್ನವೆ
ಬಂದುಬಿಡು
ಬೆಳಗಾದರು ನನ್ನ ಪಾಲಿಗೆ
ಸುಂದರವಾಗಲಿ

#ಉತ್ತಮ್#