ಪ್ರೇಮವ ಅರಸಿ

ಸ್ನೇಹದ ಕುರಿತು  ನನ್ನಲ್ಲಿ

ಯಾವುದೆ ವಿರೋಧದ

ಅಭಿಪ್ರಾಯ ಇಲ್ಲ ಆದರೆ

ಇ ಪ್ರೀತಿಯ ವ್ಯಾಖ್ಯಾನಗಳನ್ನು 

ಹರಯಕ್ಕೆ ಬರುವ ಮುನ್ನವೆ

ತಡಬಡಿಸಿ ಒಪ್ಪಿಸುತ್ತರಲ್ಲ ಅವರ

ಮೇಲೆ ಕರಣೆ ಮೂಡುತ್ತದೆ

ಮೊನ್ನೆ ಐವತ್ತು ತುಂಬಿದ 

ಅವಿವಾಹಿತೆಯ ಮಖದಲ್ಲಿನ

ಗಂಟು ಬಿಚ್ಚಿಕೊಂಡಿಲ್ಲ

ಫೂಟ್‌ಪಾತಿನ ಮೇಲೆ ಕುಳಿತು

ರಸ್ತೆಯ ತಿರುವನ್ನೆ ದಿಟ್ಟಿಸುವ

ಭಗ್ನ ಪ್ರೇಮಿಯ ಕಾಯುವಿಕೆ

ಮುಗಿದೆ ಇಲ್ಲಾ ಇವೆಲ್ಲಾವನ್ನೂ

ನೋಡಿದ ಮೇಲೆ ಪ್ರೀತಿಯ

ಅಸ್ತಿತ್ವದ ಕುರಿತು ಸಂಶಯ 

ಮೂಡುತ್ತದೆ

ಸುಖ ಭೋಗದ‌ ಮಿಲನದಲಿ

ಅವಶ್ಯಕ ಮತ್ತು ಅನವಶ್ಯಕದ

ಲೆಕ್ಕಾಚಾರದ ಬದುಕಿನಲಿ

ನೆಮ್ಮದಿ ನಿರೀಕ್ಷೆಗಳ ಹುಡುಕಿ

ಅಲೆದು ವಿರಹ‌ ಆಗಲಿಕೆಗಳೆಂಬ

ನೋವನ್ನಷ್ಟೆ   ಪಡೆದು

ಪ್ರೇಮ ಅಮರವೆಂದು

ಸಾರುವ ನಮ್ಮ ಕಂಠವೆಲ್ಲ

ಮಧುರಾರ್ಥನಾದವೆಂದು

ಭ್ರಮೆಯಾಗುತ್ತೆವೆ

ಹಚ್ಚಿಟ್ಟ ಹಣತೆ

ಬಿಚ್ಚಿಟ್ಟ ಉಡುಪು

ಬಿಸಿಯಾದ ಉಸಿರು

ಹಸಿಯಾದ ಕೊನರು

ಗರ್ಭದಾಳದಲಿ ಮೂಡಿದ ಚಿಗುರು

ಆಸೆ ಚಾಪಲ್ಯಗಳಡಿ

ಸತ್ತು ಬಿದಿದ್ದ ಮೌಲ್ಯಗಳೆಲ್ಲ

ಒಲವಿನದೆ ಎಂದರೆ

ತಪ್ಪಾಗುವೂದಿಲ್ಲವಲ್ಲವೆ

ಹುಡುಕುತ್ತ ಅಲೆದರೆ ಸಿಗಬಹುದೆ

ತಡಕಾಡಿದರೆ ಇಲ್ಲೆ ಇರಬಹುದೆ 

ಸಿಗದೆ ಕಾಲವಾಗುವ ಆತ್ಮ

ಇನ್ನೆನ್ನನ್ನು ಕೇಳಿಯಾತು

ಹಿಡಿ ಪ್ರೀತಿಗೆ ಇಡಿ

ಆಯಸ್ಸನ್ನೆ‌ ಕಳೆದು

ಮರಟಿಬಿದ್ದ ದೇಹದೊಳಗಿನ 

ಎದೆಯೊಳಗೆ ಕದಲುವ

ಸಣ್ಣ ಅಣುವೆ  ನಾ

ಅರಸಿದ್ದು ಎಂದು ತಿಳಿಯದೆ

ಬದುಕು ಮುಕ್ತಾಯವಾಗುತ್ತದೆ

#ಉತ್ತಮ್

ಅಶ್ಲೀಲತೆಯ ತನಿಖೆ

ಕತ್ತಲದಂತೆಲ್ಲ ಬೆತ್ತಲಾಗುವ 

ಸಭ್ಯತೆಗೆ ತುಸು‌ ನಾಚಿಕೆ

ಅತಿ‌ ಅಂಜಿಕೆ ಸರಿ ಅನಿಸಬಹುದೆನೋ

ಒಳಗಿರುವ ಆಸೆಗಳು ತಂಡವವಾಡಿ

ಹೊರ ಬರಲು ಕಾತರಿಸಿ

ಕಂಗೆಡುವುದು ಸಳ್ಳೇನಲ್ಲ

ನಗ್ನತೆಯಿಲ್ಲಿ ಅಶ್ಲೀಲ ವಾದರೆ

ಹುಟ್ಟು ಹೆಸಿಗೆಯಾಗಬೇಕು 

ಮಿಲನವೆಂದರೆ ಕೆಟ್ಟ ಆಟವಾದರೆ

ಅದು ಚಟದ ಹಠವಾಗಿ‌ ಕಂಗೆಡಿಸಿ

ನಿನ್ನ ಬದುಕನ್ನು ಕೊಲ್ಲಬಹುದು

ಕೈ ಬಳಸಿ ಮೈ ಸವೆಸಿ

ಅಂತರಾಳಕ್ಕಿಳಿದು ಅರ್ಥೈಸಿ

ಉತ್ಕಟತೆಯ ತುತ್ತ ತುದಿ 

ತಲುಪಿದ ನಂತರ ಸಿಗುವುದು

ಆತ್ಮ ತೃಪ್ತಿಯೊ ಕ್ಷಣದ ಖುಷಿಯೊ

ಇಲ್ಲ ಭ್ರಮೆಯ ಸಾವೊ ದ್ವಂದ್ವ

ಕಾಡುತ್ತಲೆ ಇರುತ್ತದೆ

ಮೌನ ವೆಂಬುದು ಒಪ್ಪಿಗೆ

ದ್ಯಾನವಿಲ್ಲಿ ಅಪ್ಪುಗೆ

ಮೋಹದ ಪೂಜೆಗೆ 

ಯಾವ ಆಚಾರ ವಿಚಾರಗಳಿಲ್ಲ

ಒಲವೆಂಬುದು ಹೂ ವಷ್ಟೆ

ಬಾಡಿಹೋದ ಪಕಳೆಗಳಿಗೆ

ನೆನಪಷ್ಟೆ ಮೌಲ್ಯವಿಲ್ಲ

ಭವ ಭಕ್ತಿ ಇಲ್ಲದ ಕಾಯ

ಯಾಂತ್ರಿಕವಷ್ಟೆ ತಂತ್ರಗಳು

ವಿಜೃಂಭಿಸಿ ಮೋಹದ ಮೋಸ

ಆರಧನೆಯೆ ಅವಿಶ್ವಾಸ ಚಾಂಛೆಯ

ಎದುರಲ್ಲಿ ದೇಹಗಳೆರಡು ಹಸಿಬಿಸಿಯಾಗಿ

ಅಂತರಾಳದ ಆತ್ಮವನ್ನು  

ಕೊಂದುಕೊಂಡಿದ್ದು ತನಿಖೆಯಾಗಲೆ ಇಲ್ಲಾ

#ಉತ್ತಮ್

ಹೆಸರಿಲ್ಲದ ಬಂಧ

ಕಾತುರವೇನೊ ಇತ್ತು

ಆತುರವಿರಲಿಲ್ಲ ನಾವೆಂದಿಗೂ 

ಅಪರಿಚಿತರಾಗಿರಲ್ಲಿಲ್ಲವೇನೊ

ಪರಿಭ್ರಮಣೆಗಳೆನೂ ಇರಲಿಲ್ಲ

ಅನಿರೀಕ್ಷಿತವಾದರೂ ಭೇಟಿ

ನೀರಿಕ್ಷಿತವೆ ವಕ್ರರೇಖೆಗಳು

ನಾವು ಸಂಧಿಸಲೆಬೇಕಾ

ಕಾಲ ಇಲ್ಲಿ ಅಪೇಕ್ಷಿತ

ಸಂಭ್ರಮ ನಿನ್ನಿಂದಲೆ 

ಆರಂಭವಾಗಿದ್ದು ನನಗಿಲ್ಲಿ

ಸಂಕ್ರಮಣ ಸಾವಿರ ಕಣ್ಣುಗಳ

ಜಾತ್ರೆಯಲಿ ನಿನ್ನ ಕಣ್ಣಿನ ಸರ್ಥಕತೆಯ

ಹುಡಕಿ‌ ತೆಗೆದಿಟ್ಟು ಕೊಂಡೆ

ಸ್ನೇಹವೆಂದರೆ ಪ್ರೇಮದ 

ಇನ್ನೊಂದು ರೂಪ ಇರಬಹುದು

ಅದರಿಲ್ಲಿ ಬಂಧಗಳಿಗೆ ಹೇಸರಿನ

ಹಂಗು ಬೇಕಾಗಿಲ್ಲ ನೆನಪಿಟ್ಟುಕೊ

ನೂರು ಜನರ ನಡುವೆ ನಾನ್ಯಾಕೆ

ನಿ ಹಂಚಿಕೊಂಡ‌ ಕನಸು

ಸಿಹಿ ಮಾತು ಅಪ್ಪುಗೆ 

ಕೈ ಮಿಳಿತ ಮಾಸಲಾರದ ನೆನಪು

ಬದುಕಿಗಿಷ್ಟು ತುಂಬಿಕೊಂಡ ಜೋಳಿಗೆ

#ಉತ್ತಮ್

ಕಾಫಿ ಶಾಪಿನ‌ ಪದ್ಯ

ಬಿಳ್ಕೊಟ್ಟು ಹೋಗುವಾಗ

ನೀ ತಿರುಗಿ ನನ್ನನ್ನೆ

ನೋಡುವೆ ಎಂದು

ಕಾಯುತ್ತಿದ್ದೆ , ನೀ ಮರೆಯಾಗುವವರೆಗೂ 

ನೋಡಿ, ನಿ ತಲುಪಿ

ಕರೆ ಮಾಡಿ ಕೇಳಿದಾಗಲೂ

ನಾನಲ್ಲೆ ನಿನ್ನಲ್ಲೆ ಇರುತ್ತಿದ್ದೆ

ಕಾಫಿ ಶಾಪಿನಲ್ಲಿ ನೀನೆ

ಅರ್ಡರ್ ಮಾಡಿದ ಹೃದಯದ

ಕಾಫಿಯನ್ನು ಕುಡಿದರೆ ಅದರಲ್ಲಿ 

ಮೂಡಿರುವ ಹೃದಯ

ಕದಲುತ್ತದೆಯೆಂದು ನಾ 

ಯೋಚಿಸುತ್ತಿರುವಾಗ ನೀ

ಕಾಫಿ ಹೀರಿ ನಕ್ಕಾಗ

ತುಟಿ ಮೇಲೆ ಮೂಡಿದ

ಪ್ರೀತಿಯ ಮೀಸೆಗಳಲ್ಲಿ

ನನ್ನನ್ನೆ ನಾನು ಕಂಡುಕೋಳ್ಳುತ್ತಿದ್ದೆ

ಆ ಕಾರಿಡಾರಿನಲ್ಲಿ

ನಾವಿಬ್ಬರು ನಡೆಯುವಾಗ

ಅಚನಾಕ್ ಆಗಿ ನಮ್ಮ

ಕೈಗಳು ತಾಕಿದಾಗ

ರೊಮಂಚಿತನಾಗಿ

ನನ್ನನ್ನೆ ಮರೆಯುತ್ತಿರುವಾಗ

ಬೆರಳಿಗೆ ಬೆರಳು ಬೆಸೆದು  

ಬದುಕಿನ ಚಲನೆಯನ್ನೆ 

ವೇಗವಾಗಿಸಿ ನನ್ನ

ನಡಿಗೆಯನ್ನೆ ನಿಧಾನವಾಗಿಸುತ್ತದೆ

ನಾ ನಿನಗೆ ಕಾಯುತ್ತೆನೊ

ನೀ ನನಗೆ ಕಾತರಿಸುತ್ತಿಯೊ

ಭೇಟಿಯಾಗುವುದೆಂದರೆ

ತಿರುವುಗಳಲ್ಲಿ ಚಲಿಸುವ

ಕಾರುಗಳು ದುಂಬಿಯಾಗಿ

ಜನಗಳೆಲ್ಲ ಹೂವಗಿ

ಎಲ್ಲಾರೂ ಯಾವುದೊ

ಅಸಂಬಧ ಅಪರೂಪದ 

ಲೋಕಕ್ಕೆ ಹೊರಟ್ಟಿದ್ದರೇನೊ

ಅನಿಸಿಬಿಡುವುದು ನನಗಷ್ಟೆ

ನಿಜವೆನೊ...

ಸಿಗುವ ಉಮೆದುಗಳಿಲ್ಲ

ಕೇಳಿಕೊಳ್ಳುವ ಜವಾಬುಗಳಿಲ್ಲ

ಸಂಧಿಸುವ   ಕಾಲ

ಸೆಳೆದುಕೊಳ್ಳುವ ಜಾಲ

ಮಾತಿನ ಮಾಧುರ್ಯ

ಮೌನದ ಅಂತರ್ಯ

ಸಂಭ್ರಮಕ್ಕೊಂದು ದಾರಿ

ಸವಿ ಸಂಜೆಯ ಸವಾರಿ 

#ಉತ್ತಮ್

#reverse_poetry

ಪ್ರೇಮದ ದೂರ

ಪ್ರೇಮದಲ್ಲಿ

 ದೂರವೆಂದರೆ ಎದೆಯ

ಭಾರವನ್ನು ಹೊತ್ತು

ಕನಸಿನ ಸೌಧ ಕಟ್ಟಿ

ಬೀಳಿಸಿ ಆಡುವ

ಆಟವಷ್ಟೆ

ನನ್ನ ನಿನ್ನ ನಡುವೆ

ಏನಿಲ್ಲಾವೆಂದರೂ

ಸ್ವಾರ್ಥ  ಸುಳಿಯುವುದು

ನಡುವೆ ಇನ್ನೊಬ್ಬ 

ಸುಳಿದಾಗ ಕಾಡುವ

ನೋವಷ್ಟೆ

ಕವಿತೆಗೆ ಹೆಣ್ಣು ಪ್ರೀತಿ

ನೋವು ಕಾವು

ಬೇಕಿಲ್ಲದಿರಬಹುದು

ಬರೆದಿಟ್ಟ ಮೇಲೆ

ಮನದೊಳಗುಳಿಯುವ

ಭಾವುಕತೆಯ ನೆನಪಷ್ಟೆ

ನೀ ಹೋಗಬಹುದು

ಮಾತು ಮರೆಯಬಹುದು

ನಾನುಳಿಯಬಹುದು

ಪ್ರೇಮ ಪತನವ ಸಹಿಸಿ

ನಗಬಹುದು ಮತ್ತ್ಯಾರನ್ನೊ

ಅರಸಿ ಅಲೆಯಬಹುದು

ನನಗುಳಿಯುವುದು

ಖಾಲಿ ಜೋಳಿಗೆಯ

ಬದುಕಷ್ಟೆ 

#ಉತ್ತಮ್