Sunday, 23 June 2019

ಕವಿತೆ

ಯಾವ ಹೂವು
ಅರಳುವ ಮುನ್ನ
ಯಾವ ನೀರಿಕ್ಷೆಯನ್ನು
ಪಕಳೆಯಲ್ಲಿಟ್ಟುಕೊಂಡು
ಅರಳುವುದಿಲ್ಲ

ದೇವರ ತಲೆಗೊ,
ಪಾದಗಳಡಿಗೊ
ಸತ್ತವನೆದೆಗೊ
ಉರಿಯುವ ಚಿತೆಗೊ
ರಾಜಕಾರಣಿ, ಕಲಾವಿದ,
ಸಾಹಿತಿಯ ಎದೆಯ ಮೇಲೊ
ದಾರ ಕಟ್ಟಸಿಕೊಂಡು ಬೀಳಬಹುದು

ಹೆಣ್ಣಿನ ಅಂದದ
ಕೂದಲ ಶೃಂಗಾರಕ್ಕೊ
ಹುಡುಗಿಯನೊಲಿಸಲು
ಹುಡುಗನ ಕೈಯ
ಒಲುಮೆಯಲ್ಲೊ
ಅತಿಥಿಯ ಖುಷಿ
ಪಡಿಸಲು ಟೆಬಲ್ಲಿನ
ಹೂಜಿಯೊಳಗೆ ನಗುತ್ತಲೂ
ಕೂರಬಹುದು

ಮಕರಂದ ಹಿರಲು
ಬಂದ ದುಂಬಿಯ
ಸ್ಪರ್ಶದಲ್ಲಿ
ಮಳೆಯ ಹನಿಗಳನ್ನು
ಒಡಲೊಳಗಿಟ್ಟು
ಮುತ್ತಗಿಸುವಲ್ಲಿ
ಸೂರ್ಯನ ಶಾಖಕ್ಕೆ
ಮಾಜಿ ಹೋಗುವಲ್ಲಿಗೆ
ಹೂವಿನ ಸಂತೃಪ್ತಿ
ಮುಗಿಯಾಬಹುದು

ಅದೃಷ್ಟವೆಂಬುದು
ಹೂವಿಗೂ
ಸಹಜವಿರಬಹುದು
ಗಿಡ ತಂದು ನೆಟ್ಟವರ
ಅಭಿಲಾಷೆಗಳು
ಏನಿರಬಹುದೊ
ಬೇರಿಗೆ ನೀರುಣಿಸಿದವರ
ಆಕಾಂಕ್ಷೆ ಹೂವಿಗೂ
ತಿಳಿದಿರುವುದಿಲ್ಲ
ಹೂ ಕಿತ್ತವರು ಮಾತ್ರ
ನಿರ್ದಿಷ್ಟ ಮುಕ್ತಿ ತೋರಿಸುತ್ತರೆ

#ಉತ್ತಮ್
#ಹೂ_ಬದುಕಿನ_ಸಾಲು
#un_pluged

Sunday, 16 July 2017

ಕವಿತೆ

ಅಲ್ಲೆಲ್ಲೊ ಸತ್ತ
ಹೆಣದ ಸುತ್ತ
ಧರ್ಮದ ಕಮಾಟು
ವಾಸನೆ ಬರುತ್ತಿದೆ

ಇಲ್ಲೆಲ್ಲೊ ಕತ್ತಿಯಲ್ಲಿ
ಕಡಿದಡಿಕೊಂಡವರ
ರಕ್ತದಲ್ಲಿ ನಾಯಕರು
ಧರ್ಮದ ಬಣ್ಣ
ಹುಡುಕುತ್ತಿದ್ದಾರೆ

ಮಠದ ಬಾಗಿಲಲ್ಲಿ
ಕುಳಿತ ನಾಯಿಗೆ
ಧರ್ಮದ ಪ್ರವಚನ
ಅರ್ಥವಾಗಿ
ತನ್ನ ಧರ್ಮ
ಹುಡುಕಲು ಹೋರಟು
ಹೋಗಿದಯಂತೆ

ಮಾರಕಟ್ಟೆಗೆ ಬಂದಿರುವ
ಧರ್ಮದ ಬಣ್ಣಗಳ
ಮುಖವಾಡ ಕೊಳ್ಳಲು
ಪುಢರಿಗಳು
ದೌಡಯಿಸಿದ್ದರಂತೆ

ಅಲ್ಯಾರದೊ ನಾಯಕನ
ಹೆಸರಿಗೆ ಇಲ್ಲೊಬ್ಬ
ಬಡಪಾಯಿಯ
ಉಸಿರು ಹೋಗುತ್ತದೆ
ಇಲ್ಯಾರೊ ಅವಿವೆಕಿಯ
ಹಸಿವಿಗೆ ಇಲ್ಲೊಂದಷ್ಟು
ಮುಗ್ಧ ಜೀವಗಳು
ನೋವನುಭವಿಸುತ್ತವೆ

ಸಾಕುಮಾಡು ನಿಮ್ಮ
ಧರ್ಮಗಳ ಬಾಯಿಯನ್ನ
ಜಗತ್ತಿನ ಯಾವ. ಧರ್ಮವೂ
ಕೊಲ್ಲಲು ಹೇಳುವುದಿಲ್ಲ
ರಕ್ತ ನೋಡಲು ಬಯಸುವುದಿಲ್ಲ

ಕೃಷ್ಣ ಹೇಳಿದ ಭಕ್ತಿ
ಏಸು ಹೇಳಿದ  ಪ್ರೀತಿ
ಫೈಗಂಬರರೆಳಿದ ತ್ಯಾಗ
ಉಜ್ವಲಿಸಲಿ ಪ್ರತಿ
ಮನದೊಳಗೆ ಪ್ರಜ್ವಲಿಸಲಿ
ಧರ್ಮದೊಳಗಿರವ ಅಂಧರಿಗೆ
ದಾರಿ ದೀಪವಾಗಲಿ

#ಉತ್ತಮ್

Saturday, 14 January 2017

ಕವಿತೆ

ಸೂರ್ಯ ಪಥ
ಬದಲಾಯಿಸಿದನಂತೆ
ಲೋಕದ ಕತ್ತಲೆಯಲ್ಲಿ
ಬದುಕು ಮಗ್ಗಲು
ಬದಲಾಯಿಸಿದ್ದು
ಅರಿವಾಗದಂತೆ
ನಿದ್ದೆ ಹೋಗಿರುವ
ಅಮಾಯಕರು ನಾವು

ಅದ್ಯಾವುದೋ
ಎಡಬಲಗಳ
ನಡುವಲ್ಲಿ
ಉಳಿದವನು
ಮತಿಭ್ರಮಣನಾಗಬಹುದು

ಆಸ್ತಿಕತೆ  ನಾಸ್ತಿಕತೆಯ
ದ್ವಂದ್ವದೊಳಗೆ
ದೇವರೇ ನಂಬಿಕೆ
ಕಳೆದುಕೊಳ್ಳಬಹುದು

ಶರವೇಗದ ಬದುಕಿದು
ಸರತಿ ಸಾಲಿನಲ್ಲಿ
ನಿಧಾನವಾಗಿ ಚಲಿಸಿ
ನೆಮ್ಮದಿ ಪಡೆದುಕೊಳ್ಳಬೇಕು

#ಉತ್ತಮ್#

ಕವಿತೆ

ಆತ ಕವಿಯಾಗಿದ್ದೆ
ಅವಳಿಂದ ಅವಳ
ಪರಿಚಯಕ್ಕೊಂದು
ಕವನದಿಂದ ಸುರುವಾಗಿ
ಅವಳಂದಕ್ಕೆ ಇಷ್ಟಕ್ಕೆ ಕಷ್ಟಕ್ಕೆ
ಪ್ರೀತಿಗೆ ನಗುವ ರಿತಿಗೆ
ಒಮ್ಮೊಮ್ಮೆ ಅವಳ ನೋವಿಗೆ
ಅವಳ ಖುಷಿಗೆ ಮಹಾ
ಕಾವ್ಯಗಳನ್ನೆ ಸೃಷ್ಠಿಸಿಬಿಟ್ಟ
ಅವಳು ದೂರಾದ ಮೇಲೆ
ಬರಿ ವಿರಹದಲ್ಲೆ ಕಾರಿಕೊಂಡ
ಹೃದಯ ಭಗ್ನವಾಗಿ
ಕನಸು ಛಿದ್ರವಾಗಿ
ಅವನೆಲ್ಲಿ ಹೋದನೊ ಸಿಗುತ್ತಿಲ್ಲ

#ಉತ್ತಮ್#

ಕವಿತೆ

ಖಾಲಿಯಾದ ಮಧು
ಬಟ್ಟಲು ಹಂಗಿಸುತಿತ್ತು
ನನ್ನೊಳಗಿರುವ ಮಧುವು
ಖಾಲಿಯಾಗುತ್ತದೆ
ನಿನ್ನೆದೆಯೊಳಗಿರುವ
ಅವಳ ನೆನಪು
ಖಾಲಿಯಾಗುವುದಿಲ್ಲವೆಂದು

#ಉತ್ತಮ್#